Argindarraren prezioak urteko errekorra ezarri du gaur

Elektrizitatearen prezioa urteko errekorrera iritsi da asteazken honetan, 18,02 zentimo kilowatt-orduko markatuta, eta Facuak Espainiako Gobernuari berehala jarduteko eskatu dio, prezio "kezkagarria"ren aurrean. 14,1647 euroko energiaren prezioari zeharkako zergen % 27,19 ezartzetik dator prezioa.

Kontsumitzaileen elkarteak ohar batean esan duenez, kontsumitutako energiaren batez besteko prezioa 2017ko egun berean (14,55 zentimo)  baino % 23,8 garestiagoa da.

Hori dela eta, elkarteak bilera bat eskatu du Teresa Ribera Trantsizio Energetiko eta Ingurumen ministroarekin, tarifa elektriko "neurrigabeen" aurrean aldarrikapenak azaltzeko.

Horien artean, Facuak "kontsumitzaile ahularen" definizioa zabaltzea eskatu dio Espainiako Gobernuari; komunitateko araudiak hobari-tarifekin babestea ahalbidetzen du.

Elkartearen ustez, bono sozialaren egungo eredua "inkoherentea eta bidegabea" da, alde batetik, onuradun kopurua murrizten duelako, errenta maila oso baxuak dituztenak jarrita, eta, bestetik, edozein familia ugarik horren onurak jasotzea ahabidetzen duelako.

Halaber, tarifak ezartzeko enkante ereduak handizkako merkatuan argindarraren prezioa "bidegabe" garestitzea dakarrela nabarmendu du, izan ere, haren ustez, sistema "opakua" delako, espekulazioari mesede egiten diona: prezio marjinal batean oinarritutako enkante bat, eta onartzen den azken eskaintzatik, garestienetik, dator.