Landabengo lantegia itxiko dute gaurtik, 8 eguneko lan-erregulazio espedienteagatik

Nafarroako Volkswagen enpresa itxita egongo da gaurtik hilaren 12ra arte, aldi baterako enplegu-erregulazioko espediente baten ondorioz. Landabengo lantegiari eragingo dio itxierak.

Motor-hornidurarekin dituzten arazoak direla eta, zortzi egunez ekoizpena gelditzeko akordioa lotu zuten abuztuaren 21ean zuzendaritzak eta UGT eta CCOO sindikatuek.

Adostutako neurrien artean, enpresak osagarri finkoen % 100 ordainduko ditu, eta txostenak ez du kontzeptu aldakorretan eraginik izango. Gainera, enpresak hitzeman du enplegu-erregulazio espedienteak ez diola langile beteranoenen erretiroari eragingo. Era berean, aurten motorren hornidurarekin arazo gehiago izanez gero, enpresak bere gain hartuko du horren kostua.

Alfredo Morales (UGT) enpresa batzordeko presidenteak adierazi duenez, langileentzat "bermerik handiena duen akordiorik onena" bilatu dute. Hori esanda, "zortzi egunak igaro eta normaltasunera itzultzeko" gogoa agertu du.