Ekonomia -
Kontsumorako prezioen indizea
Inflazioa baretu eta hamarren bat jaitsi da, uztailan % 2,2an geratuta
Abuztuak 14an joera baieztatuz gero, 2012tik hona kontsumorako prezioek uztailetik uztailera erregistratutako igoerarik handiena izan lezakete.
agentziak | erredakzioa
Kontsumorako Prezioen Indizea (KPI) % 2,2 hazi da uztailera arte, ekainean baino hamarren bat gutxiago, elikagaien eta alkoholik gabeko edarien prezioek gora egin dutelako.
Estatistika Institutu Nazionalak gaur, astelehena, argitaratutako aurrerapenaren arabera, KPIa % 0,7 jaitsi da aurreko hilabetearekin alderatuta.
Abuztuak 14an joera baieztatuz gero, 2012tik hona kontsumorako prezioek uztailetik uztailera erregistratutako igoerarik handiena izan lezakete, urte horretan ere % 2,2an kokatu baitzen inflazioa.
Bestalde, KPI harmonizatua -kontsumorako prezioen indizea neurtzen du eurogunean- % 2,3an mantendu da uztailean.
Inflazioak gorakada handia izan zuen 2017ko hasieran, energiaren prezioek bultzatuta, baina bigarren seihilekotik aurrera baretu egin zen, 2018 urtea % 0,6an hasita.
Alabaina, otsailean, martxoan eta apirilean ere erregistratutako joera hori, % 1 ingurukoa, atzean geratu zen prezioak % 2 baino gehiago kokatu zirenean.
