Bigarren Hezkuntzako 1.300 lanpostuetako bat lortzen saiatuko dira 3.400 lagun

Barakaldoko BECean berriz ere milaka opositore bildu dira larunbat honetan. Oraingo honetan, Eusko Jaurlaritzako Hezkuntza Sailak kaleratu duen LEP edo Lan Eskaintza Publikoaren baitan bildu dira. Ostegunean LHko irakasleentzako izan zen proba, eta gaur, berriz, Bigarren Espezialitateen txanda izango da.

1.300 lanpostu daude jokoan, eta 3.400 hautagaik eman dute izena LEP horretan parte hartzeko.

Gaur  froga  teorikoa  eta  praktikoa  egingo  dute, eta gainditzen dutenek,  datorren astean,  programa didaktiko bat  aurkeztu eta defendatu beharko dute lehenik, eta unitate didaktiko bat prestatu eta aurkeztu ondoren.

Hezkuntza Sailetik gogorarazi dute LEP honetan 1.511 lanpostu eskainiko direla: gutxi batzuk Lanbide Heziketaren alorrean eta gehienak, Bigarren Hezkuntzan.