Gizarte Ongizaterako oposizioak egin dituzte Araban

4.583 lagun zeuden zerrendan gaur Arabako Gizarte Ongizateak deitutako lan eskaintza publikoaren lehen azterketa egiteko. 80 lanpostu eskaintzen ditu Arabako Foru Aldundiak.

EPE honetan onartutako pertsonen kopuru handia dela eta, probak multzoka egin dira goiz osoan zehar Gasteizko hainbat lekutan.

Karrerako funtzionariotzan sistema librearen bidez sartzeko deialdiaren lehenbiziko proba hau test motako galdera sorta bat izan da, plazaren titulazio taldeari dagokion guztientzako.

Administrari kategorian eman dute oposiziogile gehienek izena, guztira 3.021 lagunek.