Ekonomia -
EUSTAT-EN DATUAK
EAEko industria jarduera % 2,9 hazi da irailean
Urteko lehen sei hilabetetan % 1,8ko igoera izan du.
AGENTZIAK | ERREDAKZIOA
Euskal Autonomia Erkidegoko (EAE) industria jarduera % 2,9 hazi da 2015eko irailetik 2016ko irailera, Eustatek gaur kaleratutako datuen arabera. Urteko lehen sei hilabeteetan % 1,8 egin du gora, aurreko urteko epe berarekin alderatuta.
Aurreko hilabetearekin alderatuta, EAEko industria jarduera % 2,1 jaitsi da, behin uda garaiari dagokion eragina igarota.
Lurraldez lurralde, azken urtean, industria ekoizpena % 4,7 hazi da Gipuzkoan , % 4,2 Araban eta % 0,5 Bizkaian. Abuztuko datuekin alderatuta, ostera, irailean % 3,3 jaitsi da Gipuzkoan, % 3,3 Araban eta % 0,2 Bizkaian.
