Ekonomia -
Mercadona Euskadin
Mercadona iristear dela eta, denentzako lekua dagoela esan du Tapiak
Eroskik bere zorraren birnegoziazioa ‘bide onera’ eramango duela uste du Garapen eta Lehiakortasuneko sailburuak.
Erredakzioa
Eusko Jaurlaritzako Garapen eta Lehiakortasun sailburuak, Arantza Tapia, Mercadona Euskadin instalatzeari buruz jardun da eta ‘beti bezala, gauzak ondo egiten badira guztiontzat tokia dagoela’ adierazi du.
Europa Press-i egindako adierazpenetan sailburuaren iritziz bezeroek ‘bere lana hoberen egiten duena eta aukera eta produktu onenak eskaintzen dituena aukeratzen dute‘.
‘Kale jakin batean saltoki bat egoteak ez du esan nahi beste bat ireki ezin daitekeenik, seguru guztiontzat tokia dagoela. Eskatzen dugun gauza bakarra gauzak ondo egitea da. Ekoizpena kalitatezkoa izatea, pertsonak gustura egotea eta bertoko produktuetara ahalik eta gehien gerturatzea, hori ezinbestekoa da guretzat’, gaineratu du.
Sailburuaren hitzetan Jaurlaritzak jarritako ‘baldintzak’ bertoko produktuekiko ‘konpromisoa’ eta hauen ‘erosketa garrantzitsuak’ egitea izan dira. ‘Guretzat ezinbestekoa da hori: Euskadiren ehunduraren baitan txertatzea, gure banaketa kulturalaren zati izatea eta batez ere bertoko produktuak bultzatzea’.
Bestalde, Eroskik bere zorraren birnegoziatzea ‘bide onera’ eramanago duela uste du. Gidatzen duen departamentuaren eta kooperatibaren arteko ‘harremana argia eta konstantea’ da.
‘Bidean zailtasunak egongo direla badakigu baina ahalik eta azkarren helmuga onera iritsiko garela uste dugu. Prozesu luzea eta konplexua dela jakinda’.
