Ekonomia -
Ostegun honetan
Hitzarmenak luzatzeko akordioa sinatuko dute CEOEk, UGTk eta CCOOk
3,1 milioi langileri eragiten dieten 360 hitzarmen sektorial uztailaren 8an bertan behera ez geratzeko ituna sinatuko dute patronalak eta sindikatuek.
Erredakzioa
CEOE eta Cepyme patronalek eta UGT eta CCOO sindikatuek uztailaren 8an bertan behera geratuko diren hitzarmen kolektiboak luzatzeko akordio bat sinatuko dute ostegun honetan, negoziazioko iturriek gaur jakinarazi dutenez. Lan erreformak hitzarmenak baliorik gabe uzten ditu uztailaren 8an.
Lan erreforma 2012ko uztailean behin betiko onartu zuten. Iraungitako hitzarmenek automatikoki urtebeteko luzapena dute (ultraktibitatea) gaur egun, azken erreformak epea murriztu zuelako.
Iturrien arabera, akordioa ostegun honetan sinatuko dute, hitzarmenen jarraipenerako batzordean.
Itunarekin hitzarmenak uztailaren 8an bertan behera geratzea saihestu nahi dute patronalak eta sindikatuek, eta ondorioz, negoziatzen jarraitu.
Milioika langile
Jarrerak gerturatzeko bilerak egin dituzte patronalak eta sindikatuek; izan ere, garrantzi handiko gaia da, milioika langileri eragiten dielako. 3,1 milioi langileri eragiten dieten 360 hitzarmen sektorial uztailean bertan behera gera daitezkeela ohartarazi dute sindikatuek azkenaldian.
Ikusteke dago erabaki horrek zein ondorio izango lukeen EAEko hitzarmenetan.
