La Navalek 220 milioiko kontratua galdu du Bruselaren atzerapenagatik

Sestaoko La Naval enpresak 220 milioi euroko kontratu bat galdu du Europako Batzordearen atzerapena dela eta; izan ere, Espainiako "tax leasen", hau da, ontziolei emandako balizko laguntzen inguruan, erabaki bat eman behar du.

Enpresak ohar baten jakinarazi duenez, ontziola Norvegiako armadore batekin ontzi bat egitea negoziatzen ari zen, baina Bruselaren erabakiaren atzerapenak kontratua Koreari ematea eragin duela salatu dute.

Kontratu horrek 2015. urtera arte lana egotea ahalbidetuko lukeela azaldu dute, 1,7 milioi orduko lana zelako.

Euren iritziz, Europako Batzordeak hartu behar duen erabakiaren ziurgabetasunak "Espainiako ontziolen kaudimena zalantzan jartzen du eta eraikuntzarako ezinbestekoa den finantzaketa zailtzen du".