2024/12/21

Zerua hodeitsu, baina leku gehienetan ateri. Euria lurraldearen ipar-ekialdera mugatuko da eta bertan tarteka euri-langarra edo euri txikia egin dezake; gainerako lekuetan, berriz, ateri egongo da. Kantauri isurialdean zerua momentu askotan lainotuta egongo da, behe-hodeiekin, eta hegoaldean hodeiak eta urdinguneak tartekatuko dira. Tenperaturak apur bat gora egin badezake ere, giroa freskoa zango da, batez ere barnealdean; tenperatura maximoak 10-15 ºC artekoak izango dira.

Tenperatura:

• Bilbao: 8/14 ºC
• Donostia:7/13ºC
• Gasteiz:3/10 ºC
• Iruña:4/9 ºC

2024/12/22

Igandean, eguerditik aurrera fronte batek zeharkatuko du lurraldea. Igande goizean Kantauri isurialdean zerua lainotuta egongo da eta han-hemenka euri-zarrastaren bat egin dezake, gauza gutxi. Hegoaldean, berriz, ateri eta hodeitza zertxobait saretuta egongo da. Eguerdi partean, ordea, fronte hotz bat iritsiko da eta euria ugaritu eta iparraldetik hegoaldera zabalduko da arratsaldean. Haizea bizi ibiliko da, goizean mendebaldetik eta arratsaldean ipar-mendebaldetik zakar joko du; frontea iristearekin batera kostaldean haize-boladak oso gogorrak izan daitezke. Tenperatura graduren bat igo daiteke.

Tenperatura:

• Bilbao: 10/16 ºC
• Donostia:9/15ºC
• Gasteiz:5/12 ºC
• Iruña:6/11 ºC

2024/12/23

Astelehenean euria eta haizea bizi-bizi. Zerua nahiko estalita egongo da eta euria izango da protagonista. Prezipitazioak eskualde guztietara iritsiko dira, baina oparoagoak izango dira Kantauri isurialdean. Euriari haizea batuko zaio, nahiko indartsua kostaldean eta Ebro ibarrean, eta horrek hotz-sentsazioa areagotuko du. Hoztu egingo du eta elur-kota 1200-1300 m ingurura jaitsi daiteke.

Tenperatura:

• Bilbao: 8/11 ºC
• Donostia:7/10ºC
• Gasteiz:3/8 ºC
• Iruña:6/8 ºC