Mundua -
Gerra Ukrainan
Zelenski bilatzeko eta atxilotzeko agindua eman du Errusiak
Barne Ministerioak, xehetasun gehiago eman gabe, adierazi duenez, Errusiako Zigor Kodean jasotako delitu batekin lotuta ari dira bilatzen.
AGENTZIAK | EITB MEDIA
Ukrainako presidente Volodimir Zelenski bilatzeko eta atxilotzeko agindua eman du Errusiak. "Bilatzeko eta atxilotzeko agindua duten pertsonen zerrendan sartu du Barne Ministerioak agintari ukrainarra", jakinarazi du TASS albiste agentzia errusiarrak.
Iturri horren arabera, Errusiako Zigor Kodean jasotako delitu batekin lotuta ari dira bilatzen.
Gaur, baita, Petre Poroshenko, 2014 eta 2019 artean Ukrainako presidente izandakoa, bilatzeko eta atxilotzeko agindua eman du Errusiak.
Aurretik ere, Ukrainako goi karguen aurkako atxilotze agindu gehiago eman dituzte.
Kievek uste du etsipen keinu bat dela
Horren aurrean, Ukrainako Atzerri Gaietako Ministerioak adierazi du Mosku etsipenez eta ernegazioz ari dela jokatzen.