2024/05/05

Gaur ezegonkortasuna areagotu egingo da, bereziki arratsaldean eta gauean. Goizean, oro har, giro lasaia eta atsegina izango dugu, hodeiak eta urdinguneak tartekatuko dira eta hegoaldeko haizearekin epeletik jarraituko du, tenperatura maximoak 20 eta 25 ºC artekoak izango dira. Arratsaldean ezegonkortzera egingo du, orduan hodei trinkoagoak agertuko dira eta zaparradak nonahi botako ditu; baliteke zenbait tokitan zaparradak mardul samarrak eta trumoitsuak izatea, bereziki ekialdean. Arratsaldera arte, haizeak hegoaldetik joko du, orduan iparraldetik finkatuko da, ahul-bizi, bolada gogor batzuekin.

Tenperatura:

• Bilbao: 14/25 ºC
• Donostia:12/24ºC
• Gasteiz:12/21 ºC
• Iruña:9/21 ºC

2024/05/06

Astelehenean giro freskoagoa izango dugu eta egunaren lehen zatian euria egingo du. Goizean zerua lainotu samar egongo da eta oraindik euri apur bat egingo du; egunak aurrera egin ahala eguraldiak atertzeko joera hartuko du, lehendabizi mendebaldean eta gero gainontzeko tokietan. Haizea ipar-mendebaldetik sartuko da eta kostaldean biziago ibiliko da, bereziki egunaren bigarren zatian. Eguneko tenperaturak behera egingo du eta balio altuenak 20 ºC-tik behera geratuko dira.

Tenperatura:

• Bilbao: 12/18 ºC
• Donostia:11/17ºC
• Gasteiz:8/15 ºC
• Iruña:9/15 ºC

2024/05/07

Asteartean goibeletik jarraituko du ipar partean, baina hegoaldean giroa argiagoa izango da. Zenbat eta ekialderago egon, hodeiak ugariagoak eta trinkoagoak izango dira eta bertan oraindik euri apur bat egin dezake, bereziki egunaren erdiko orduetan eta arratsaldean. Hegoaldean berriz, hodei geruza saretuago agertuko da eta tarteka eguzkiaz goza ahal izango dugu. Haizea ipar-mendebaldetik sartuko da, bolada gogor batzuekin kostaldean eta tenperatura maximoetan ez dugu aldaketa handirik espero behar.

Tenperatura:

• Bilbao: 11/19 ºC
• Donostia:11/18ºC
• Gasteiz:9/16 ºC
• Iruña:7/16 ºC