Tadek Pogacar jaun eta jabe izan da Frantziako Tourrean. Guztira, sei etapa bereganatu ditu, eta azkeneko erlojupekoan ere aise gailendu da. Jonas Vingegaardek eta Remco Evenepoelek osatu dute podiuma, eta Mikel Landak bosgarren amaitu du sailkapen nagusian.

Tadej Pogacar (UAE), Jonas Vingegaard (Visma) eta Remco Evenepoel (Soudal) izan dira 2024ko Frantziako Tourreko hiru txirrindulari onenak. Batera igo dira podiumera azken etapa lehiatu ondoren.

Tadej Pogacarrek irabazi du Frantziako Tourrari amaiera eman dion erlojupekoa Nizan, eta, horrenbestez, bere seigarren garaipena lortu du aurtengo edizioan. Jonas Vingegaard izan da bigarrena eta Remco Evenepoel hirugarrena. Mikel Landak zazpigarren tokian amaitu du.

Arabarrak zazpigarren egin du 2024ko Frantziako Tourra itxi duen erlojuaren kontrako saioan eta sailkapen nagusia bosgarren tokian amaitu du.

Movistar Teameko txirrindulari gasteiztarrak lehenengoz parte hartu du Frantziako Tourrean. Ihesaldi askotan sartzea lortu du eta orain Parisko Olinpiar Jokoetan izango da Espainiako Selekzioarekin.

Tadej Pogacarrek (UAE) irabazi du Couillole mendatean bukatu den Frantziako Tourreko 20. etapa, eta, horrenbestez, bere bosgarren garaipena lortu du aurtengo edizioan. Jonas Vingagaard izan da bigarrena, eta atzerago sartu dira Remco Evenepoel eta Mikel Landa.

20. etapa amaituta, Mikel Landak adierazi du talde-lana egin dutela Remco Evenepoeli laguntzeko eta Jonas Vingegaard atzean uzteko, baina ezinezkoa izan zaiela helburua lortzea.

Tadej Pogacar, Jonas Vingegaard, Remco Evenepoel,  Richard Carapaz, Joao Almeida... Frantziako Tourreko izar nagusiek ikuskizuna eman dute 20. etapako azken kilometroetan.

Nork bere ahalmenaren eta helburuaren arabera entrenatzen baldin badu ere, txirrindulari profesional guztien entrenamenduek oinarri bera dute, eta lehen pausoa ordubetean landu dezaketen potentzia maximoa zein den zehaztea izaten da. Hona hemen Xabier Usabiagaren azalpena.

Tadej Pogacarrek (UAE) bere laugarren garaipena lortu du Frantziako Tourrean, Isola mendatean bakarrik helmugaratuta. Gainera, Jonas Vingegaard eta Remco Evenepoelekiko duen aldea nabarmen handitu du, eta, ondorioz, eskura dauka Tourra hirugarrenez irabaztea.

Carapaz, Yates eta Jorgenson joan dira buruan etaparen zatirik handienean, baina bederatzi kilometroren faltan Pogacarrek erasoa jo du eta aurrekoak banan-banan harrapatu ditu.

Oier Lazkano Movistarreko euskal txirrindulariak bosgarren postuan bukatu du Frantziako Tourreko 18. etapa. Gasteiztarra erasoa jotzen saiatu da aurkariengandik ihes egiteko, baina ez zaio ondo irten.

Kwiatkowskik, Campenaertsek eta Vercherrek ihes eginda egin dituzte etapako azken kilometroak. Azken esprintean, Victor Campenaerts belgikarra nagusitu da.

EF Education taldeko ekuadortarrak bere ibilbidean aurrenekoz irabazi du Frantziako Tourrean; sailkapen nagusian, Evenepoelek segundo batzuk jan dizkio Vingegaardi.

Txirrindulari belgikarrak beste behin eman du izugarrizko erakustaldia Tourreko 17. etapako ihesaldian. Helmugara iristeko 5 kilometroren faltan Evenepoel eta Vingegaardengandik aldendu da ihesaldi ikusgarria emanez.

EF Educationeko txirrindulari ekuadortarra izan da helmugaraino iritsi den ihesaldiko onena; atzetik, sailkapen nagusiko aurrenekoen arteko lehian, Soudaleko belgikarrak erakutsi du indartsu heldu dela Tourreko azken etapetara.

Alpecin-Deceuninckeko txirrindularia azkarrena izan da etapako azken metroetan, eta, bere garaipenarekin, hiru garaipenekin berdindu du Biniam Girmayrekin. Azken hau helmugatik kilometro eta erdira erori da.

Bingen Fernandez Cofidis taldeko zuzendariak uste du Tadej Pogacarrek Tourra erabakita utzi duela Piriniotako etapa nagusia irabazi ostean, eta Jonas Vingegaarden helburua bigarren postua ziurtatzea izan dela erantsi du.

Alex Aranburu Movistar taldeko txirrindularia ihes eginda ibili da Franztiako Tourreko 15. etapan. Azkenean, ezin izan da etapa garaipenerako lehian sartu. Euskal ziklistak EITB Mediarekin hitz egin du etapa bukatuta.

2024ko Frantziako Tourreko hamabosgarren etapan, Tadej Pogacar (UAE) izan da berriz ere helmuga zeharkatzen lehena, eta Vingegaardekiko zuen aldea 3 minutu eta 9 segundora handitu du. Landak, berriz, bosgarren postua lortu du sailkapen nagusian.

Jonas Vingegaardek erasoa jo du Plateau de Beille mendatean kokatutako helmugatik 10 kilometrora, baina Tadej Pogacarrek ondo erantzun dio, eta, azkenean, bera nagusitu da, minututik gorako aldearekin. Remco Evenepoel izan da hirugarrena eta Mikel Landa laugarrena.

Mikel Landa Soudal-Quick Step taldeko euskal txirrindulariak EITB Mediarekin hitz egin du Frantziako Tourreko 14. etapa amaituta. Remco Evenepoeli lagundi dio mendiko etapa horretan, eta belgikarra hirugarren helmugaratu da Pogacarren eta Vingegaarden atzetik.

Oier Lazkano Movistar taldeko euskal txirrindularia protagonista izan da Frantziako Tourreko 14. etapan. Tourmalet mendatean onena izan da, Euskal Herriko hainbat zale egon diren etapan. Gasteizkoak EITB Mediarekin hitz egin du etapa amaituta.

Joxean Fernandez 'Matxin', UAE Emirates taldeko kirol zuzendariak, EITB Mediarekin hitz egin du Tadej Pogcar taldeburuak Frantziako Tourreko 14. etapa irabazita. Basurikoak (Bizkaia) etaparen analisia egin du. (adierazpenak gaztelaniaz)

Frantziako Tourreko 14. etapako azken kilometroetan hainbat eraso egon dira. Ihesean joan direnen artean egon da Oier Lazkano, baina zazpi kilometroren faltan pelotoiak harrapatu du. Azken lehia Pogacar, Vingegaard eta Evenepoelen artekoa izan da, esloveniarra nagusituz.

Oier Lazkano Movistar taldeko euskal txirrindularia izan da onena Tourmalet mendatean, Frantziako Tourreko 14. etapan. Lasterketa buruan pasa da, aurkari guztiak atzean utzita, helmugatik 62 kilometrora kokatutako Tourmalet mendate gainko pankartatik.