Athleticeko bi jarraitzaileri eraso egin diete Bruselan

Athleticeko bi jarraitzaile zauritu dira gaur, Bruselako erdialdean, 20 bat lagunek jo ostean, Radio Euskadik jakitera eman duenez.

Erasoaren biktima batek sudur-trenkada apurtuta izan dezake eta besteak kolpe ugari ditu aurpegian.

Istilua Grand Platz inguruan jazo da, arratsaldeko azken orduan.

Lau zale zuri-gorrirengana Anderlechteko ustezko jarraitzaile talde bat hurbildu da eta Espainiakoak ote ziren galdetu diete. Zuri-gorriek Bilbokoak zirela erantzun diete eta orduan hasi da erasoa.

Bi jarraitzaile zuri-gorrik ihes egitea lortu dute, baina beste biek ez. Gertakaria jazo den tokian artatu dituzte Athleticeko jarraitzaileak. Zale zuri-gorriek salaketa aurkeztu dute bertako Udaltzaingoaren aurrean.