Txapeldunen Liga
Txapeldunen Liga
Auxerre-Real Madril, (0-1): Urrezko hiru puntu Di Mariaren golarekin
Andoni Beldarrain
Erredakzioa
G multzoko beste partidan Ajaxek eta Milanek 1-1 berdindu dute eta madrildarrak dira multzoko liderrak. Bayernek, Arsenalek eta Chelseak ere ez dute kale egin.
Real Madrilek asko sofritu du Auxerre mendean hartzeko. Azkenean, Di Mariak 81. minutuan sartutako golari esker hiru puntuak Portu zituen Mourinhoren taldeak. G multzoko beste partidan Ajaxek eta Milanek 1-1 berdindu zuten, beraz, madrildarrak dira multzoko liderreak 6 punturekin. Milanek lau puntu ditu.
Partida irabaztea asko kosta zaion beste talde bat Bayern Munich izan da. Basileari 1-2 irabazi diote azken minutuan sartutako golari esker. Alemaniarrak E multzoko liderrak dira. Multzo honetako beste partidan Romak 2-1 irabazi dio Errumaniako Cluji.
Chelseak gaur zuen F multzoko partida zailena Olympique Marsellaren aurka, baina ingelesek ez dute kale egin. 2-0 irabazi dute eta 6 puntu dituzte. Spartak Moskuk ere 6 puntu ditu MSK Zilinari 3-0 irabazita.
H multzoan Arsenal eta Shakhtar daude sei punturekin bina partida irabazita. Londonekoek 1-3 irabazi diote Partizani Belgraden eta Shakhtarrek Portugalen erraz irabazi dio Sporting Bragari 0-3ko emaitzarekin.
EMAITZAK:
AUXERRE 0- REAL MADRIL 1
AJAX 1- MILAN 1
PARTIZAN 1- ARSENAL 3
SPORTING BRAGA 0- SHAKHTAR DONETSK 3
BASILEA 1- BAYERN MUNICH 2
ROMA 2- CFR CLUJ 1
CHELSEA 2- O. MARSELLA 0
SPARTAK MOSKU 3-MSK ZILINA 0
