Atletico-Athletic (2-0): Athleticek galdu egin du Calderonen

Athleticek aukera anitz desaprobetxatu ditu Atletico zital baten aurka. Bilbotarrak nagusi izan dira partidan baina Forlan eta Aguerok, bi aukera argienetan sartu dituzte madrildarren aldeko golak.

Caparrosen mutilak gogotsu irten ziren zelaira eta partidaren lehen minutuan De Gea atezaina harritzen saiatu ziren Gurpegiren burukada indartsu baten bidez. Partida joan etorriko norgehiagoka baten bezala jokatuko zela zirudien baina bilbotarrak nagusi izan ziren eta abagune gehiago izan zituzten. 9. minutuan Llorenteren jaurtiketa gogorrak zutoina jo eta kanpora joan zen desbideratuta. 27. minutuan De Gea atezainak, bi geldiketa paregabe egin zituen Gabilondo eta Llorenteren jaurtiketak desbideratuz. Atletico Madrid Iraizozen atera hurbiltzen saiatu zen baina ia ez zuten atezain nafarra probate ere egin.

Bizkaitarrek baloiaren jabetza izan zuten eta jokaldi landuak sortu zituzten, lehen zatian nagusi izanez. Hala ere, Caparrosen taldeak ez zuen gola aurkitu eta nahiz eta atsedenaldira 0-0 joan ziren.

Bigarren zatian Quique Sanchez Floresen taldeak bloiaren jabetza lortu zuen, nahiz eta bilbotarren defentsa ez zuten asko sakatu. 53. minutuan, Diego Forlan uruguaiarrak 1-0ekoa sartu zuen Iraizoz azpitik gainditu ondoren. Madrildarrak ia ez ziren Gorka Iraizozen atera heldu baina Forlanek ez zuen barkatu lehen abagune argian. Nahiz eta markagailuan atzetik joanAthleticek erasoan jarraitu zuen eta aukera asko Portu zituen partida berdintzeko. Argiena, Javi Martinezen burukada bat izan, baina Orduña ere De Gea atezainak geldiketa paregabe bat egin zuen. Bizkaitarrek aukerak izaten jarraitu zituzten baina ez zuten asmatu gola sartzen. 85. minutuan, Aguerok azken 2-0ekoa jarri zuen San Jose gainditu eta atera jaurti eta gero.

Horrela, lehoiek ez dute punturik lortu eta europar postuetan mantentzeko aukera paregabea galdu dute etxetik kanpo. Gainera, haien aurrelarien trebetasunari esker irabazi duen Atleticori bizia eman diote europako postuetara hurbiltzeko.