Anderlecht-Athletic (4-0): Europa Leagueri agur

Porrot mingarria jaso du Athletic Clubek Anderlecheten aurka jokatutako Europa Leagueko final-hamaseirenetako itzuliko partidan (4-0).

Gaizki hasi da partida zuri-gorrientzat Lukakuk 4. minutuan belgikarren aurreneko gola sartu duenean. Atzelarien akatsa izan da, bakarrik geratu da Gorkaren aurrean eta ez du kale egin. Zaplastekoa.

Erasoan ari zen Athletic eta Anderlechetek ez zituen eragozpen handirik jartzen, baina gola sartzea, ezinezkoa. Bilbotarrak lekua aurkitu ezinean ibili dira, galduta. Eta horrela, ezer egin gabe, 2-0ekoa lortu dute etxekoek (25. minutua). Eskuinetik erdiratu du Lukakuk eta San Josek bere atean sartu du gola baloia aldaratzea helburu zuen arren. Caparrosen gizonek ez dute kanporaketa galdutzat eman nahi izan, baina asmatze eta golik gabe zaila da suspertzea.

Atsedenaldiaren ostean Orbaizen ordez zelairatu da Muniain eta berarena izan da bigarren zatiko lehen aukera garbiena. Gogoekin irten dira bilbotarrak eta markagailuari buelta emateko asmoz, baina Juhaszek 48. minutuan sartutako golak amaiera eman dio amets horri.

Muniainek min hartu eta 55. minutuan Gabilondok hartu du haren lekua. Goibel eta begiak malkoz bustita utzi du berdegunea. Baina ez da hor bukatu Constant Vanden Stock futbol-zelaiko gol-zaparrada eta 67. ean Legearrek markagailua borobildu du areatik kanpo gol bikaina sartuta.

Amaierara arte sufrimendua baino ez da izan. Merezita irabazi du Belgikako taldeak eta Athletic, Europa Leaguetik at.

Irudien galeria

Fitxa teknikoa:

4 - RSC Anderlecht: Proto; Gillet, Mazuch, Juhasz, Deschacht; Van Damme, Kouyata (Sare, 73''), Biglia; Legear (Suarez, 80''), Boussoufa eta Lukaku (De Sutter, 66'').

0 - Athletic Club: Iraizoz; Iraola, San Jose, Amorebieta, Castillo; Susaeta, Orbaiz (Muniain, 46'', Gabilondo, 58'') , Javi Martínez, Yeste; Toquero (De Marcos, 52'') eta Llorente.

Golak:

1-0, 3'': Lukaku.

2-0, 26'': San Jose, bere atean.

3-0, 49'': Juhasz.

4-0, 68'': Legear.