Mikel Jauregizar Athleticeko jokalariak 21 urte bete ditu azaroaren 13an. Iragan denboraldian hasi zen lehen taldearekin jokatzen, eta 2024-2025 sasoian jokalari garrantzitsua izaten ari da. Bermeooak EITB Mediarekin hitz egn du.

Unai Simon Athleticeko atezainak 2023-2024 denboraldiko Zamora saria jaso du, Madrilen, Marcak antolatutako ekitaldian. Euskal atezainak 33 gol hartu zituen Ligan jokatu zituen 36 partidetan, eta EA Sports Ligan batez beste gol gutxien jaso zuen atezaina izan zen.

Gorka Guruzeta Athleticeko jokalariak EA Sports Ligako 13. jardunaldian Valladoliden aurka lortutako berdinketari buruz hitz egin du. Pozik agertu da gol bat sartu duelako, baina penatuta hiru puntuak ez eramateagatik.

Mikel Vesga Ahleticeko jokalariak Europa Ligako laugarren jardunaldian Ludogoretsen aurka lortutako garaipenaz hitz egin du (1-2). Oso pozik agertu da taldeak jasotako golari emandako erantzunarekin eta txapelketan doakien egoerarekin.

2024-25 denboraldiko Europa Ligako liga faseko laugarren jardunaldian, Athleticek Ludogorets menderatu du, Razgraden. Iñaki Williamsek eta Nico Serranok sartu dituzte euskal taldeari garaipena eman dioten bi golak.

Bilboko taldeak Ludogoretsen aurka jokatuko du, Bulgarian, Europa Ligako 4. jardunaldiko neurketa. 500 zale joan dira Razgradera, Athletici indarra emateko. EITB Mediarekin hitz egin dute, eta baikor azaldu dira.

Realak Errege Kopako lehen kanporaketako neurketa oraindik jokatu gabe du, eta berez azaroan jokatu beharko luke, bigarren kanporaketa abenduaren hasieran baita. San Mameseko derbia, hasiera batean, azaroaren 24rako dago iragarrita, baina baliteke aldaketa izatea.

Agirrezabalak Ludogorets-Athletic partidaren inguruan egin dituen adierazpenak izan ditugu entzungai. Europa Ligako laugarren partida izango da Athletic Clubentzat. Jada, zazpi puntu lortu dituzte eta ostegunean hiru puntu horien bila joango dira.

Alex Berenguer Athleticeko jokalariak Betisen aurkako berdinketari buruz hitz egin du San Mamesen jokatu den EA Sports Ligako 13. jardunaldian. Taldeak gehiago merezi izan duela azpimarratu du, baina horrela jokatuta garaipenak iritsiko direla (adierazpenak gaztelaniaz).

Espainiako ekialdeko uholdeen ondorioz futboleko jardunaldia bertan behera uzteko aukeraren inguruko polemikaz aritu da Athleticeko entrenatzailea, Betisen partidaren atariko prentsaurrekoan.

Athletic, irabazten hasi bada ere, esku hutsik itzuli da Tenerifetik, 2 eta 1 galduta, eta talde kanariarrak aurrea hartu dio sailkapenean.

Athleticek eta Mallorcak hutsean amaitu dute EA Sports Ligako 11. jardunaldiko partida. Zuri-gorriek jokalari bat gehiagorekin jokatu dute 70 minutuan.

Athleticek Jagoba Arrasateren taldea izango du aurkari astelehenean, etxetik kanpo: Mallorca. Ernesto Valverderen arabera, partida oso parekatua izango da. Ildo horretan, gogoratu du emaitza estuak izan direla bi taldeen arteko azken neurketetan.

Errenteriar atezainak partida bikaina egin du, Europa Ligan, San Mamesen, Slavia Pragaren aurkako neurketan. Agirrezabala giltzarria izan da talde zuri-gorriak hiru puntuak eskuratzeko.

Athleticek San Mamesen jokatuko du hirugarren jardunaldiko neurketa Slavia Pragaren kontra, 21:00etan. 1.200 zale inguruk egin dute Bilbora bidaia.

Iñigo Ruiz de Galarretak asteazken honetan jakinarazi duenez, Athletic Clubek San Mamesen jokatuko duen Slavia Praga taldearen aurkako partidaren helburua jokoan dauden hiru puntuak lortzea da. Europan berriz jokatzeko aukera "ametsa" dela adierazi du.

Goleko bi pase emanda eta beste bat sartuta, Alex Berenguerrek partida bikaina egin du gaur San Mamesen, eta Athletic 4-1 gailendu zaio Espanyoli.

Ernesto Valverde Athleticeko entrenatzaileak EA Sports Ligako 10. jardunaldian Espanyolen aurka jokatuko duten partidaz hitz egin du. Emaitza irregularrak lortu arren, Espanyol joko ona erakusten ari dela azpimarratu du. (adierazpenak gaztelaniaz)

Adama Boiro Athleticeko jokalariak prentsaurrekoa egin du Lezaman. Talde zuri-gorrira nola egokitu den eta fitxaketa nola gauzatu zen azaldu du, besteak beste.