29 urteko zumarragarrari txikitatik gustatu zaio abestea. Duela urte batzuk, "Izarrak kalean" saioan parte hartu zuen, eta gogotsu dator telebistako talent-show batean berriz ere lehiatzera. Abeslari izan nahi du, eta neurozientzian lan egin duen arren, dena utzi du ametsa betetzeko.

Badu, gainera, jendaurrean abesteko eskarmentua. Tabernari bezala lan egin izan duenean, sarritan kantatu izan du bezeroen aurrean.

Musika estiloari dagokionez, soul-a, blues-a eta rock-a ditu gustuko, eta, batik bat, indarra eta emozioak helarazten dituzten abestiak.