Prestaketa

Zainzuri freskoak arrautza galdarraztatuekin prestatuko ditugu eta gari-zainzuriak, aldiz, gazta zaharrarekin.

Hasteko, zainzuri freskoak zuritu eta urez betetako lapiko batean gatz pixka batekin eta azukre pixka batekin egosten jarriko ditugu. 8 bat minutuz egosten utzi ondoren, uretan bertan epeltzen utzi.

Lapiko zabal bat erdiraino urez bete, gatz pixka bat bota eta sutan irakiten jarri. Orduan, arrautzak bertara kraskatu eta 2-3 minutuz galdarraztatu, egin arte. Jarraian ur hotzetara atera eta egosketa eten. Bukatzeko, atera eta sukaldeko paper gainean jarri ura xukatzeko.

Gari-zainzuriei azpiko zurtoin gogor zatia kendu. Zartagin bat gurin pixka batekin eta olioarekin su ertainean jarri eta bertan 6 bat minutuz gari-zainzuriak plantxan egin.

Plater batean, 4 zainzuri jarriko ditugu eta honen gainean arrautza bat, gatz larri pixka bat gainean eta oliba olio birjina txorrotada bat. Plateraren bestaldean, beste lau gari-zainzuri eta hauei gazta pittin bat birrindu gainean.