Prestaketa

Kefir eta foie prestaketarako:

Ebaki foiea dadotan eta salteatu. Utzi pausatzen 5 bat minutuan, eta txikitu gaztarekin eta olioarekin. Bota gatza eta piperra. Gorde geroko.

Tipula eta ardo beltza prestatzeko:

Garbitu tipula eta ebaki julianan. Sueztitu olioarekin, gurinarekin eta azukrearekin, gorritzera iritsi gabe. Behar adina biguntzen denean, bota ardo beltza eta ozpina. Utzi 2 orduz su motelean egosten, harik eta marmelada lortu arte. Gorde geroko.

Cromlecha:

Nahasi semolaren erdia kurkuma-saldarekin. Oratu guztia 5 minutuz, eta utzi pausatzen beste 10 minutuan.

Egin gauza bera semolaren gainerakoarekin eta txipiroi-tintaren saltsarekin. Oreak pausatzen direnean, elkartu bola batean, koloreak nahasi gabe. Luzatu mehe-mehe plastikozko bi orri zurrunen artean.

Frijitu orea 220 graduan, ontzian mugimendu zirkularrak eginez. Frijitu 40 bat segundoan, eta jarraian, utzi pausatzen oliba-oliotan, 149 graduan, 2 minutuz. Xukatu ondo eta ondu.

Aurkezpena:

Egin ebaki txiki bat cromlechei oinarrian, eta sartu foiez eta tipulaz egindako betegarria.

Jarri betetako bi cromlech zutik platerean.

Amaitzeko, bota perrexil pixka bat eta onddo-hautsa gainetik.