Prestaketa

Batetik, antxoa marinatuak prestatuko ditugu. Betegarria egiteko, tipulina sueztituko dugu julianan 30 minutuz, baina kolorea hartzen utzi gabe. Ondoren, hirugihar txikitua botako diogu, bai eta esne-gaina ere. Utzi egosten eta gatza bota. Baratxuri-krema egiteko, hiru egosketa egingo ditugu. Lehenik, baratxuriak ur irakinetan egingo ditugu; gero, ura kendu eta oliotan konfitatuko ditugu. Azkenik, olioa kendu, eta esne-gainetan loditzen jarriko ditugu. Txikitu, iragazi eta gatza botako diogu.

Gezurrezko gereziak egiteko, purea egingo dugu gerezien konfiturarekin eta urarekin. Algina gehitu eta esferak egingo ditugu calcic-bainuan; batzuk gerezien neurrikoak, eta beste batzuk, kabiarraren neurrikoak.

Brioche-xerra fin batzuk egingo ditugu eta labean sartuko 180 graduan.

Molde laukizuzenak antxoa marinatuekin eta tipulin-betegarriz beteko ditugu.

Ogi kurruskaria egiteko, gurina urtuko dugu baratxuri txikitu pixka batekin, eta pankoa gehituko diogu. Gorritzen utziko dugu.

Jarri antxoadun moldea eta ogi kurruskaria gainean. Bota baratxuri-krema pixka bat, antxoaren kontra briochea, eta gainean gerezi-esferak, eta gerezizko kabiarra platerean.