Prestaketa

Gonbidatuak: Jonh Berkhourt taldeko Ekain Perez eta Eneko Lusar oiartzuarrak.

NOLA EGIN?

Alberjiniak erretzeko:

- Oliba olio zorrotada bat bota alberjiniari eta aluminio paperean bildu.

- Labera sartu 180 gradutan ordu erdiz.

Tipula karamelizatzeko:

- Tipula xehatu eta erregosi.

- Tipulari azukrea eta ozpin zorrotada bat bota.

- Granada erditik zatitu eta zati erdi bati fruitua atera kolpeak emanez.

- Alberjiniari azala kendu, zati txikietan zatitu eta granadarekin nahastu.

- Tofua zatitu eta zartaginean gorritu.

- Baratxuri beltza txikitu eta alberjinia eta granadari gehitu.

- Intxaurrak ere erantsi.

- Xerez ozpina gehitu eta dena ongi nahastu.

Eta amaitzeko platerera zerbitzatuko dugu;

- Oinarrian tofu zatiak jarriko ditugu.

- Ondoren, alberjinia, granada, intxaurrak eta baratxuri nahasketa botako diogu.

- Eta amaitzeko, tipula karamelizatua jarriko diogu.