Prestaketa

Seitana ahalik eta zati txikienetan ebaki. Onddoak garbitu, txikitu, seitanarekin nahastu eta baratxuri pixka batekin su altuan erregosi, 5 minutuz.

Tomatoa egiteko, tipulak, azenarioak eta erremolatxa zatitu eta ondo erregosi oliba oliotan. Gatz pixka bat bota, irina nahastu, eta segi dena ondo erregosten. Amaitzeko, umeboxia nahastu, eta ura gehitu. Eduki 5 minutu egosten, eta ondoren ondo irabiatu dena.

Bestalde, espagetiak ur irakinean egosi. Azkenik espagetiei seitana eta onddoak nahastu, eta tomato saltsarekin busti.