Prestaketa

GONBIDATUAK:

Izaskun Urbaneta eta Ainara Baguer pasta biologiko ekoizleak.

NOLA EGIN:

-Orea etxean egin nahi izanez gero, gari-irin integrala eta gatza nahastu. Osagaiak mahai gainean pilatu, oliba-olio pixka bat bota eta gutxinaka, ura gehitzen joan.

-Orea eginda dagoenean, arrabolarekin luzatu eta lasagna xaflak egin.

-Tipuleta eta berakatza txikitu eta lapikoan erregosi. Eginda dagoenean, tomate saltsa naturala gehitu.

-Zartagi batean, oliba-olio pixka bat bota eta ilarrak eta onddoak bertan salteatu.

-Bexamela egiteko, gurina hurtu eta esnea eta irina gehitzen joan.

-Laberako erretilu batean, lasagna osatzeko geruzak egin osagai guztiekin. Azken geruzan, bexamela eta gazta gehitu.

-Lasagna labean egin, 200ºra, 20 bat minutuz.