Prestaketa

Nahasi taloen orea egiteko osagaiak hotzean, eta irabiatu, pikorrik gera ez dadin.

Berotu eta koipeztatu ongi zartagin biribil bat edo krepeak egiteko zartagin bat. Bota ore kantitate txiki bat burruntzali batez eta zabaldu ongi. Eman buelta, eta egin bi aldeetatik, erre gabe. Atera eta geroko gorde.  Egin gauza bera, harik eta orea amaitu arte.

Bexamela egiteko: urtu margarina pixka bat ontzi batean, gehitu irina eta egin roux bat. Eragin hagaxkekin, eta bien bitartean, gehitu esnea, nahi dugun lodiera lortu arte. Bota urdaiazpiko txikitua, eta ondu gatzaz eta piperraz.

Zabaldu bexamela talo baten gainean, eta estali beste batez. Gorde geroko. Hozten direnean, ebaki triangelutan, eta pasatu ertzak arrautzetan eta ogi arrailetan, ongi itxita gera daitezen.

Frijitu oliotan. Xukatu paperean.

Jarri plater batean, eta lagundu entsalada pixka batekin.