Prestaketa

Bol batean, arrautzak irabiatuko ditugu gatz eta piperbeltz zuri pixka batekin. Ondoren, esne-gaina nahasiko diegu.

Porruak txikitu eta ur irakinetan egingo ditugu. Uretatik atera, eta hozten utziko ditugu. Bien bitartean, otarrainxkak zuritu eta txikituko ditugu.  Zelofanez estalitako molde batean, porru txikitua jarriko dugu oinarrian, eta gainean, otarrainxkak eta gazta birrindua. Ondoren, aurreko nahasketa gehitu, eta zelofana itxiko dugu.  Lurrunezko labean edukiko dugu 140 minutuan;  eta bestela, berriz, ohiko labean, maria bainuan jarrita 160 graduan, hiru ordu laurden edo ordubetez. Utzi hozkailuan egun batez hozten. Moldetik atera, eta zerbitzatu.

Saltsa egiteko, ontzi batean, esne-gaina, gazta birrindua eta porru txikitu pixka bat jarri. Irakin, eta zerbitzatu baino minutu batzuk lehenago, otarrainxka zati batzuk gehitu.