Prestaketa

Lehenik eta behin, ura irakiten jarri behar da. Bitartean, orburuak zuritu eta garbitu limoi-uretan, bai eta haien txortenak ere. Gero, orburuak egosi behar dira (15- 20 minutuan, zer tamaina duten).

Bien bitartean, ganbei burua eta azala kendu, eta frijitu olio pixka batekin eta baratxuri-ale batekin. Ondoren, tomatea eta gatza bota behar zaio ganbak frijitzen ari den tokira. Zapaldu buruak zukua atera dezaten, barazkiekin batera, eta aprobetxatu orburuak egosten ari diren urarekin egosteko. Iragazi zukua eta loditu lodigarri batekin.

Orburuak egosten direnean, ur hotzean jarri eta bihotza kendu. Txikitu porrua, ganba gordinak, legatza eta orburu-bihotzak, eta frijitu dena. Irinarekin eta orburuak egosteko erabilitako urarekin loditu, gatzean ondo den ikusi, eta ore horrekin orburuak bete.

Azkenik, plater polit batean, lau orburu beteak jarri, eta saltsa gainetik bota. Apaindu orburuaren txortenarekin edota ganbekin.