Prestaketa

Txerri ukondoa labean egin.

· Labea 180 graduan berotzen jarri, goitik eta behetik.

· Tipulak eta baratxuriak zuritu.

· Barazkiak eta jengibrea Julianan moztu eta erretiluan ohe gisa jarri.

Gatzarekin eta piperbeltzarekin ondu (gatz gehiegi ez bota, gero Aminos saltsa gehituko baitiogu).

· Barazkien gainean txerri ukondo aurregosia jarri eta pattararekin busti.

· Laberatu ordu erdiz.

· Katilu batean Coconut Aminos saltsa, ketchup saltsa eta sagar kontzentratua nahasi eta pintzel baten laguntzarekin txerri ukondoa honekin igurtzi (saltsa guztia ez amaitu; bigarren edo hirugarren bustialdi bat emateko gorde).

Salda barazkiei gehitu eta beste ordu erdiz laberatu.

· Labea 200 graduan jarri, ukondoa berriro ere saltsarekin igurtzi eta haragia ongi gorritzen den arte laberatu.

· Bien bitartean gnocchiak uretan egosi.

Zerbitzatu:

Erretilu zabal batean txerri ukondoa bere saltsarekin bustita jarri eta horren alboan gnocchiak. Nahi bada usain belarrekin apaindu.

Biribilkiak:

· Soberan gelditu den txerri ukondoa mamurtu eta saltsa apur batekin nahasi.

· Aza eta azenarioa Juliana finean moztu eta zartagin batean mahaspasekin batera arin-arin gorritu (gatzarekin ondu).

· Zartagineko barazkiei txerri ukondoa nahasi.

· Txinatar ore finak nahaskiarekin bete, biribildu, ertzak urarekin busti eta azkenik bilkaria zigilatu.

· Zartagin batean olioa ongi berotu eta biribilkiak bertan frijitu.