Prestaketa

Bakailaoa hartu eta eskuekin bere haragia xehetu intxaur baten tamainako puskak eginaz. Lapiko zabal batean, oliba-olio txorrotada on bat bota eta bertara berakatzatalak txikituta bota. Hauek dantzan hasten direnean, tipula txikitu eta gehitu. Erdi erregosita dugunean, pipermorroa tipularen zati berdinetan moztu eta dena erregosten utzi.

Barazkiak eginda ditugunean, piper-txorizero haragia eta piperrauts koilarakada txiki bat gehitu eta minutu batez erregosi. Jarraian tomate saltsa gehitu eta 5 minutu irakiten utzi.

Bakailaoa gehitu eta 20 minutu su motelean poliki-poliki egiten utzi.