Prestaketa

Gonbidatua: Jon Arriaga, Haiku Travel-eko ordezkaria

NOLA EGIN?

- Ura irakinean txahal-mutur eta tripakiak sartu.

- Ozpina gehitu eta 4-5 minutuz utzi garbitzeko.

- Ondoren, ura kendu.

- Bestetik presio-eltzean ura jarri eta azenarioa, tipula, erramu hosto bat, iltzea eta piper beltz ale batzuk gehitu.

- Txahal-muturra eta tripakiak erantsi eta 30 minutuz sutan utzi.

- Txahal muturra eta tripakiak zatitu.

- Arrautza irabiatu.

- Mutur zatiak irineztatu eta arrautzeztatu eta frijitzen jarri.

Saltsa bizkaitarra egiteko:

- Lapiko batean olioa jarri eta ogi gogorra eta sagarra gehitu.

- Piper txorizeroak ur irakinean sartu eta lau aldiz aldatu lapikoko ura, lau irakinaldi emanez.

- Tipula xehatu eta lapikora erantsi eta erregosten utzi.

- Piper txorizeroak prest daudenean, lapikora erantsi.

- Ondoren, muturra eta tripakiak egosteko erabilitako ura erantsi.

- Azkenik, dena iragazi eta ondo irabiatu.

- Amaitzeko, txahal tripaki eta mutur frijituak saltsara gehitu.

- Gatz eta piperbeltz beltz puntua eman eta ondo sueztitu 30 minutuz.