Prestaketa

Gonbidatua: Gorka Gereño, sukaldari makrobiotiko eta saioko kolaboratzailea.

NOLA EGIN?

- Algak uretan beratzen jarri, 10-15 minutuz.

- Pomeloari zukua atera.

- Edukiontzi batean zapoa jarri, eta olioa, gatza eta pomelo-zukua gaineratuko diogu.

- Labean sartu 20 minutuz, 180 gradutan.

- Lekak 'juliana' erara moztuko ditugu

- Bitartean, ura irakiten jarriko dugu eta lekak bertan egosiko ditugu.

- Egosketa eteteko ur hotzera pasako ditugu.

- Algak biguntzen direnean 10 minutuz egosiko ditugu.

- Zartagin batean olioa berotzen jarri eta ondoren, lekak eta algak salteatuko ditugu. Gatza botako diogu baina kontuan hartuta algak badutela gatz nahikoa.

- Zapoa labetik aterako dugu, eta zapo zatiak saltsatik bananduko ditugu.

- Fruitu lehorrak gehituko dizkiogu saltsari eta baita ozpin puntu bat. Dena ondo birrinduko dugu.

- Platerera zerbitzatzea besterik ez zaigu falta; lehenengoz lekak eta algak jarriko ditugu, zapo zatiak gaineratuko dizkiogu eta pomeloarekin apainduko dugu.

- Amaitzeko gainetik egindako saltsa botako diogu.