Prestaketa

Zailtasuna: Erraza

Kostua: 3-5 euro

Kaloriak: 224

GONBIDATUA:

Naia Alzola

NOLA EGIN:

-Zartagin bat sutan jarri, oliba olio zorrotada bat eta berakatz ale txikitu batekin. Tipula txikitua gehitu eta 5 minutuz sueztitu. Piper berde txikitua gehitu eta beste 5 minutuz sueztitu. Kuiatxoa laukietan zatitu eta aurreko barazkiei gehitu. Bukatzeko, tomatea zuritu, haziak kendu, zatitu eta lapikora gehitu. Dena ondo nahasi eta erregosten utzi. Gatza eta azukrearekin ondu, gustura.

-Lupia garbitu eta bi xerrak atera. Lapiko batean, barazkiekin eta arrain hezurrekin arrain salda edo fumet bat egin.

-Lapiko berean, iragazki bat jarri eta bertan, saldak botatzen duen lurrinarekin, xerrak egingo ditugu. Tapa jarri, eta 5 bat minutuz utzi. Eginda daudeean, labeko erretilu batera atera eta modena ozpina eta gatzarekin ondu.

-Zartagin batean, oliba olio zorrotada bat bota eta berakatz aleak salteatu. Errefritoa xerren gainetik bota.

-Platerean, pistoa eta lupia xerrak tartekatu, milorri bat osatuz. Bukatzeko, ozpin-olio apur batekin ondu.