Prestaketa

Gianduja eta txokolatea katilu batean jarri, esne-gaina irakiten gehitu eta hagaxka baten laguntzarekin dena ondo nahasi. Gurina gehitu, nahasi eta hozten utzi.

Azukrea lapiko batean ur pixka batekin jarri eta karamelu bat egin. Pistatxoak gehitu eta ongi nahasi dena. Jarraian esne-gaina botako diogu eta sutatik kenduko dugu ondo nahasten dugun bitartean. Gurina gehitu, nahasi eta karamelua pixka bat epeltzen utzi.

Karamelua labeko bi plastikoren bitartean jarri eta luzatu arrabolaren laguntzarekin. Jarraian, izozkailuan hoztu.

Karamelua gogortu denean, ganatxea zabaldu bere gainean karameluaren zabaleraren dobleko lodierarekin. Hozkailuan gogortzen utzi eta prest dagoenean, laban bat berotu eta harekin nahi dugun eran zatitu.