Prestaketa

Gonbidatuak: Saroi Eskisabel eta Joane Zugasti Gimnasia Tolosa CF taldeko kideak.

NOLA EGIN?

TXOKOLATE ZURI SALTSA EGITEKO:

- Esnegaina berotzen jarri eta bitartean txokolate zuria txikitu.

- Esnegaina irakiten dagoenean, txokolate txikituaren gainean bota urtu ahal izateko.

KREPE-OREA EGITEKO:

- Edukiontzi batean bi arrautza apurtu eta irabiatu eta ondoren gurina biguntzen jarri.

- Irina edukiontzira gehitu eta ondo nahastu.

- Eta pixkanaka beste osagai guztiak gehitzen joan; esnea, kakaoa, azukrea eta azkenik gurina.

- Dena ondo nahastu eta ondoren iragazi.

- Kakaozko orea eta urtutako txokolate zuria hozkailuan sartu ordu erdiz.

- Bestetik, bananak zuritu eta xerretan zatitu.

- Zartagin batean gurina bigundu eta bananak bertan gorritu. Azukre beltzarekin karamelizatu.

- Zartagina gurinarekin igurtzi eta ore pixka bat bota krepea egiteko.

- Karamelizatutako banana xerrak krepearen erdian jarri eta bildu.

- Amaitzeko, urtutako txokolate zuria plater batean bota eta krepeak gainean jarri.