'Teknopolis'en 20. urtemugako ekitaldia, asteburu honetan

Aste honetan saio berezia izango dute 'Teknopolis'en. Programaren 20. urteurrena ospatzeko, sari-banaketa berezi bat antolatu zuten EiTBko Multibox aretoan, eta festa horren irudiak izango ditugu ikusgai. 20 urte hauetan saioaren babesle eta parte-hartzaile izan direnei eskerrak eman nahi izan dizkiete sari horien bitartez, umorez jositako ekitaldi batean. Mirari Martiarenak eskainitako bakarrizketa eta Asier Marzo NUPeko ikertzaileak ekarritako lebitagailu akustikoa ere ikusi ahal izango dira, saioaren irudi ikusgarrienei errepasoa egitearekin batera.

'Teknopolis' larunbatean 13:30ean dago ikusgai, ETB1en eta eitb.eus-en eta igandean, ordu berean, ETB2n eta eitb.eus-en.