Munduko Plazan
22:30ean
Zürich eta Basilea, gaur gaueko "Munduko Plazan" saioan
EITB Media
Leire Palaciosek bertan bizi diren euskaldunekin ezagutuko ditu Suitzako bi hiriak.
Informazio gehiago (2)
Gaur gaueko "Munduko Plazan" saioan, Leire Palacios Zürich eta Basilea hirien egunerokotasunean eta energian murgilduko da.
Horretarako, bertan bizi diren hainbat euskaldunekin egongo da: Joseba Urzelai, Laida Alberdi eta Javier Martínez de Alegríak Züricheko kaleetatik barrena gidatuko dute eta bertoko hiritarren aisialdirako ohiturak zein gune historiko garrantzitsuenak erakutsiko dizkiote Leireri.
Ondoren, trena hartu eta Zürichetik Basileara bidaiatuko da, Suitzako bigarren hiririk populatuenean euskaldun birekin hitzordua izateko: Maite Guridi eta Galder Zamarreño.
"Munduko Plazan" gaur gauean, 22:30ean ETB1en eta eitb.eus-en.
