Karabana
ETB1en, 21:15ean
Lekeitiora helduko da gaur 'Karabana' saioa
EiTB
Gonbidatuen artean, ETBn saioa egin zuten Baserri eta Txankarra, Maite Burgoa eta Oihana Garatea saregileak, eta Kilin Kala abesbatzako bi kide izango dituzte.
-
Zigor Iturrieta eta Itxaso Gonzalez. Argazkia: EiTB.
Lekeitiora helduko da gaur ETBko 'Karabana' saioa. Zigor Iturrietaren eta Itxaso Gonzalezen eskutik, Bizkaiko kostaldeko herri honetako gastronomia, kultura eta tradizioekin lotura duten herritarrak eta gaiak ezagutuko ditugu.
Eneko Garamendik, adibidez, Alex Txikonen zenbait espediziotan sukaldari bezala bizitako esperientzia kontatuko digu. Maite Burgoak eta Oihana Garateak, berriz, saregileen lana nolakoa den azalduko digute. Halaber, Kilin Kala abesbatzako bi kide elkarrizketatuko dituzte: Leire Sustaeta eta Julia Piñel.
Bestalde, ETBn telebista-saioa egin zuten Baserri eta Txankarra hartuko dituzte protagonista erreportajeetako batean.
'Karabana' saioa 21:15ean izango da ikusgai ETB1en eta eitb.eus-en.
