Prestaketa

Borrajak kozinatuta:

Borrajak garbitu eta zuritu. Ur irakinetan egosi eta ondoren ur hotzetan hoztu. Xukatu.

Zartagin batera olioa bota, baratxuria txikituta gorritzen jarri eta borraja zati egosiak gehitu. Ondo nahastu eta erreserbatu.

Ilar saltsa:

Tipula olioarekin erregosten jarri. Ondoren, ontzi batean osagai guztiak sartu eta ondo birrindu. Iragazi behar bada iragazi eta eltze batean jarri berotu dadin.

Otarrainxkak:

Otarrainxkak osorik zuritu isatsak ez ezik eta erditik moztu. Zartagin batean olioa berotzen jarri eta bertara baratxuri alea txikituta gehitu, gorritzean piperrautsa bota, nahastu eta otarrainxkak sartu. Ondo egin eta bukaeran perrexila txikituta bota.

Bukaera:

Plater batean ilar saltsa jarri eta gainean borraja salteatuta. Ondoan otarrainxkak jarri bere olioa gainetik botata.