Prestaketa

Txitxirioak curryarekin:

Baratxuri alea eta tipulina zuritu eta ondo-ondo txikitu. Porrua, azenarioa eta apio adarra garbitu eta makilatxotan  moztu.  Mangoa zuritu, zatitu eta birrindu, pure bat egin arte. Zartagin bat oliba olioarekin berotu  eta martorri haziak eta erramu orria bota. Tipula eta baratxuri pasta sartu eta erregosten jarri. Barazki zatituak gehitu eta erregosten jarraitu. Currya, koko esnea eta mango purea gehitu, ondo nahastu eta irakitean, 5 minutuz su txikian mantendu. Txitxirio egosiak gehitu eta irakiten jarraitu beste 5 minutuz. Bukaeran, limoi zukua gehitu eta martorri freskoa txikituta bota.

Tofu nahasia:

Tofua sukaldeko paperarekin bildu eta gainean pisu bat jarrita, 15 minutuz mantendu lehortu dadin. Tipula gorria, apio adarra eta jengibre zatia garbitu ondoren, ondo txikitu.  Zartagin batean olioa berotu eta jengibrea gehitu. Lurrina askatzen hasten denean, tipula eta apio adarra gehitu, gatzez ondu eta buelta batzuk emanez, sutan mantendu. Tomate murriztua eta espeziak gehitu eta 10 minutuz kozinatu. Tofua sardexka batekin mamitu, deseginda geratu arte. Zartaginera sartu, gatza bota eta limoi birrindura bota. Lehorra egongo balitz, salda edo ura gehitu. % minutuz irakiten eduki eta perrexil txikitua gehitu.

Anakardo eta ahuakate patea:

Ahuakatea zuritu eta ontzi batean sartu. Bertara beste osagaiak gehitu eta birringailuarekin txikitu, pasta bat geratu arte.

BUKAERA:

Plater baten alde batean txitxirioak jarri eta beste aldean tofu nahasia. Erdian ahuakate eta anakardo pate koilarakada bat jarri, eta perrexil txikituarekin bukatu.