Prestaketa

Arroza egosi eta "al dente" utziko dugu.

Zartagin batean ahate bularra bi aldeetatik markatuko dugu. Kolorea hartu duenean, xerrak egingo ditugu.

Bestalde, maionesa bat egingo dugu perrexilarekin.

Sesamo olioarekin arroza salteatuko dugu

Platerean arroza jarriko dugu eta honen gainean arrautza gorringoa. Soplete batekin gorringoa pixka bat erreko dugu. Albo batean tomate laukiak jarriko ditugu eta limaren birrindura pixka bat botako diogu gainetik. Maionesa ere jarriko dugu lagungarri.

Ahate gibel eskabetxatua egiteko:

Kontsumitu baino lauzpabost egun lehenago egin behar da, gibela ondo busti dadin haren zaporeaz, geruza azalekoenean behintzat, erdira ez baita inoiz iritsiko.

Eltze batean baratxuriak, tipulinak, azalore-kukuluak eta azenarioak jarriko ditugu, dena osorik eta ondo garbituta. Oliba-olio ugariz bustiko dugu, ia zentimetro bat gorago, barazkiak ondo bainatzeko, eta su bizira eramango dugu.

Frijitzen hasten direnean, sua itzali istripurik gerta ez dadin eta, epel dagoenean, espeziak, ozpina eta ardoa gehitzen zaizkio. Sua ahalik eta gehien igo eta, irakiten hasten denean, itzali eta egoten utzi.

Hortik aurrera, ozpinaren azidoak berak prestatuko du bere kasa, eta horregatik komeni da kalitate goreneko bat erostea, baina ez Jerez ozpina, gogorregia baita.

Hozten utzi behar dugu, gantza urtu ez dadin, eta, epeltzen denean, gibela sartu eta bi egunez bertan sartuta utzi.

Eskabetxea leku ilun eta freskoan egotea komeni da.

Zerbitzatzeko, nahikoa da pieza atera eta zentimetro erdiko lodierako xerratan ebakitzea. Labana luze eta mehe batekin egin behar da. Ebaketa bakoitzean ur berotan sartu behar da, obra-leku garbia lortzeko eta piezari kalterik egin gabe.