Prestaketa

Untxi eskabetxatua:

Eltze batean untxi zatiak gatzituta olioarekin gorritu eta atera bertatik.

Eltze horretan tipula, apio adarra, azenarioa karratutan moztuta, oreganoa, erramua, piperbeltz bolak eta baratxuri aleak bota eta 5 minutuz sueztitu. Untxi zati gorrituak gehitu, piperrautsa ere ardo txuriarekin batera eta, murrizten utzi ondoren, ozpina gehitu eta kozinatu 20-30 minutuz. 24 orduz egoten utzi.

Denbora igaro ondoren, ontzi batean barazki erdiak sartu eta birringailuarekin txikitzen ari garen  bitartean, egosketako zukuak botatzen joan emultsio bat egin arte. Untxiari hezurrak kendu.

Arto tortilla:

Ontzi batean arto gozoa xukatuta, esne gaina, arrautza, azukrea, arto irina, eta gatza sartu eta birringailuarekin txikitu. Zartagin batean gurina urtu eta prestaketa bota. bi aldetatik gorritu.

Kuiatxoa frijituta:

Kuiatxoa xerratan moztu, irinetatik pasa. Olio berotan frijitu. Xukatu eta gatza eta piperrautsa jarri.

Bukaera:

Plater batean arto tortilla  jarri eta gainean untxia bere barazkiekin. Gainetik emultsioa bota eta ondoan alberjinia frijituak jarri. Perrexil txikituarekin amaitu.