Prestaketa

Patata eta kuiatxo pastela:

Azenarioa   eta  kuiatxo   bat   karratutxotan   moztu, tipulina brunoise eran moztu, eta, zartagin batean, erregosten jarriko ditugu olioarekin. Gorritutakoan, hirugiharra zatitxotan moztuta gehitu, eta erregosten jarraitu.

Ontzi batean, arrautzak, esne-gaina, gatza, piperbeltza eta bi moldeko ogiak zatituta sartu, eta birringailuarekin txikitu.

Beste kuiatxoa xerra borobiletan moztu mandolinaren laguntzaz. Patata ondo garbitu, eta zuritu gabe, xerratan moztu mandolinaren laguntzaz. Moldean, erregositako barazki oinarri bat jarri. Ondoren, gazta xerra, urdaiazpiko  xerra,  kuiatxo   xerrak,  patata xerrak,   ontziko   zukua   eta, azkenik, gazta birrindua jarriko ditugu. Laberatu egingo dugu 30 minutuz 180 ºC-an, eta 5 minutuz, grillean.

Entsalada:

Entsaladarako osagaiak garbitu ondoren, tomateak xerratu, eta plater batean luzatu. Gainean, uraza zatituta jarri, eta, ondoren, tipulina juliana eran. Gatza, Gernikako piper zati txikiak, perrexila, ozpina eta olioa gehitu eta gozatu.

Perretxikoak salteatu, Gernikako piperrak frijitu, eta elkartu.

BUKAERA:

Plater   batean,  perretxiko   salteatuak   jarri:   gainean,   bi pastel zati, eta inguruan, Gernikako piperrak. Entsalada beste plater batean prestatu.