Prestaketa

Txerri iberiko masaila egosiak:

Lapiko bero batean olioa bota, masailei gatza egin eta gorritu egingo ditugu. Urez estali, barazkiak garbi eta zatitutta sartu eta ordu eta erdi edo bi orduz egosten utzi. Denbora igaro ondoren masailak lapikotik atera eta hotzean gorde. Salda berriz iragazi eta hozkailuan sartu.

Pita ogia:

Osagai guztiak elkartu eta landu egingo ditugu ore fin bat lortu arte eta hartzitzen utziko dugu epelean. Orea hazten denean, 60 gramoko zatiak pisatuko ditugu, bola forma eman eta berriro ere 30 minutuz egoten utziko diegu. Eskuekin zanpatu eta labe erretilutan jarri laberatzeko. 4-5 minutuz egosiko ditugu 250 ºC-tan. Puztutakoan eta kolorea hartu aurretik atera.

Tomate saltsa bizia:

Eltze batean, tipula morea eta baratxuri aleak erregosi. Ondo sueztitu ondoren, tomate zatitua bota eta 20 minutuz bigundu. Txorizeroa, piperrautsak, ura, Perrins saltsa eta tomate kontzentratua gehitu. 5 minutuz egosi, txikitu eta iragazi.

Beste osagaiak:

Piper berdea zerrendatan moztu eta zartagin batean olioarekin gorritu. Tipula juliana eran zatitu eta zartaginean olioarekin erregosi egingo dugu marmelada bat bezala geratu arte.

BUKAERA:

Pita ogia zartaginetik pixka bat pasa, erditik ireki eta txerri masaila egosiak eta beroak sartuko ditugu, tomate saltsa bizi koilarakada bat, piper berde zerrenda batzuk, típula marmelada koilarakada bat eta 3 gazta xerra.