Prestaketa

Strogonoff azpizuna:

Erregosi tipula brunoise eran ebakita, bi koilarakada olio erabiliz. Gorrituta dagoenean, gehitu piperrautsa, piperbeltza, tomate-kontzentratua, limoi-zukua eta txahal-hondoa. Utzi saltsa lodi bat egin arte. Ontzea zuzendu.

Garbitu txanpinoiak, zatitu xerratan eta salteatu 2 koilarakada oliotan.

Zartagin bero batean koilarakada bat oliba-oliorekin txahal-haragi salpimentatua salteatu.

Gehitu txanpinoi salteatuak saltsan; bero dagoenean, gehitu haragi salteatua eta utzi egosten pare bat minutuz, haragia lehortu ez dadin.

Cesar ozpin-olioa:

Osagai guztiak ontzi batean sartu eta birringailuarekin ondo txikitu eta geroko gorde.

Kukulu entsalada:

Kukuluak uretatik pasa, iragazi eta juliana luzean ebaki. Ontzi batean sartu, ozpin-olioa bota, ondo nahastuta. Kristalezko ontzi batean jarriko dugu eta parmesano birrindu pixka bat jarriko diogu gainetik.

Txanpinoi lehorrak:

Txanpinoiak garbitu eta fin-fin ebakiko ditugu. Labe erretilu batean luzatu eta 80ºC-tan lehortu arte edukiko  ditugu.

Bukaera:

Plater sakon batean koilarakada on bat Strogonoff azpizun jarriko dugu. Gainetik txanpinoi lehorak jarriko ditugu eta ondoan kukulu entsaladaren ontzia.