Prestaketa

Oilasko hegalak:

Oilasko hegalak 18 minutuz uretan egosi, labanarekin kartilagoak moztu eta hezurrak atera eta ontzi batean utziko ditugu.

Hauen gainera, Jerez ardoa, esne gaina, arrautza, maizena eta gatza ipiniko ditugu. Ondo nahastu eta olio berotan frijitu egingo ditugu.

Sagar eta jogurt saltsa:

Jogurta ontzi batean sartu eta sagar karratutxo txikiak sartuko dizkiogu, menda hostoak txikituta eta currya limoi azalarekin. Ondo nahastu eta geroko gorde.

Piku salteatuak:

Zartagin bero batean gurin pixka bat bota eta pikuak erditik zatituta bueltatxo batzuk emango dizkiegu.

BUKAERA:

Oilasko hegalak behin frijitu ondoren, egur antzeko plater batean jarriko ditugu, pikuak honen ondoan eta ontzi batean sagar eta jogurt saltsa.