Prestaketa

PRESTAKETA:

Merenge frantsesa:

Ontzi batean, arrautzaren zuringoak harrotu. Bi azukreak gehitzen joan limaren birrindurarekin batera. Dena ondo harrotuta dagoenean laberatu 110 ºC-an 2 orduz.

Mascarpone, banilla eta lima krema:

Ontzi batean, esne-gaina harrotu. Bertara, mascarpone gazta gehitu. Banilla adarraren mamia atera, eta lima baten birrindurarekin batera gehitu. Azkenik, azukre irina gehitu, eta dena harrotu. Manga batean sartu.

Mugurdi saltsa:

Zartagin batean, azukre beltza jarri. Bertan, mugurdiak sartu lima zukuarekin. Utzi kozinatzen. Gelatina orriak uretan utzi. Mugurdi saltsari gelatina gehitu, eta hozten jarri.

Fruitu gorriak muntaia egiteko:

Frutak garbitu, eta dekoraziorako moztu.

Txokolatea urtu, eta mendak busti. Hotzean gorde.

BUKAERA:

Merengea moldetik atera, eta erdian, mugurdi saltsa luzatuko dugu. Horren inguruan, krema jarri, eta ondoren, fruituekin eta menda txokolatearekin amaitu.