Prestaketa

Txokolatezko bizkotxoa:

Arrautzak eta azukrea ontzi batera bota eta hagaxka batekin harrotu. Irina eta legamia hautsa gehitu eta txokolatearekin eta gurin urtuarekin nahastu. Tarta moldean sartu eta labe beroan eduki 170 ºC-tan 25 minutuz.

Almibarra:

Ura eta azukrea nahastu eta irakin bat eman. Gerezi likorea bota eta hotzean gorde.

Barruko krema:

90 g esne-gain azukrearekin berotu eta banilla adar irekia gehitu. Txokolate zuria urtu eta, hozten denean, esne-gain harrotuarekin nahastu. Hotzean gorde.

Marrubi marmelada:

Marrubi purea berotu eta azukrea pektinarekin bota. Irakin eta marrubiak zatituta sartu, nahastu, plastikozko ontzi batera pasa eta hotzean gorde.

Banilla-saltsa:

Osagai guztiak kazola batean berotu, loditu arte. Hotzean gorde.

BUKAERA:

Txokolatezko bizkotxo 3 xerra jarri, almibarrarekin hezetu eta bi xerren erdian marrubi marmelada jarri eta kanpotik krema. Bata bestearen gainean jarri eta gaineko xerran krema luzatu eta txokolate beltz txirbilak gainetik bota.