Zumaia eta Tolosako bertsoaldi onenak, gaur, 'Hitzetik Hortzera'n

'Hitzetik Hortzera' saioak Zumaia eta Tolosako bertsoaldi onenak eskainiko ditu gaur. Pasa den igandean Zumaian Arkaitz Oiartzabal Xamoa, Asier Otamendi, Ibon Ajuriagojeaskoa, Miren Artetxe, Nahikari Gabilondo eta Nere Ibarzabal aritu ziren kantuan, Zumaiako pilotalekuan. Nerea Ibarzabalek irabazi zuen saioa eta Maule-Lextarreko finalaurrekoan kantatzeko zuzeneko txartela lortu du.

Halaber, larunbat honetan, Tolosan jokatuko den azken final laurdenari erreparatuko dio igandeko saioak. Han zehaztuko da finalaurrekoetara sailkatuko diren bertsolarien zerrenda. Beñat Lizaso, Eneko Lazkoz, Etxahun Lekue, Jon Maia, Maddalen Arzallus eta Xabat Galletebeitia arituko dira kantuan. Irabazlea zuzenean sailkatuko da Maule-Lextarreko finalaurrekora.

'Hitzetik Hortzera'n beraz, Zumaia eta Tolosako bertso onenak; 15:00etan ETB1en eta eitb.eus-en.