Gure Kasa
21:00etan
Joseba Ezkurdia izango da gaurko gonbidatua 'Gure Kasa'n
EiTB
Lau T'erdiko Txapelketa bi urtez jarraian irabazi duen pilotaria gertutik ezagutzeko aukera izango dugu.
-
Joseba Ezkurdia, EiTBren bideo batetik hartutako irudian
Pilota kontuak izango dituzte hizpide gaur 'Gure Kasa' saioan Joseba Ezkurdia lau t'erdiko txapeldunarekin. Bi urtez jarraian irabazi du arbizuarrak kaiolako txapelketa, eta, iaz, binakako txapela ere eskuratu zuen. Orain arte ibilbide profesionalaz eta aurrera begira dituen helburuez mintzatuko dira berarekin.
Ezkurdiaren abesti kuttunenak entzutearekin batera, Marta Elvira Arbizura joango da bere inguruan Potilleatzera.
Bestalde, Ainhoa Sanchezen eskutik Jagoba Manterola argazkilaria ezagutuko dugu eta Joseba Belokik Euskal Telebistako aurkezle izandako Ruth Martinez elkarrizketatu du, Donostian.
'Gure Kasa' astelehenetik ostegunera izaten da ikusgai ETB1en eta eitb.eus-en, 21:00etan.
